Diana López Varela é xornalista e guionista. Actualmente compaxina o seu traballo de guionista no programa Land Rober Tunai Show (TVG) con colaboracións como columnista nos xornais Diario de Pontevedra e elnacional.cat.

Elisa Beni comezou a súa carreira profesional dirixindo un xornal, El Faro de Ceuta, e converteuse na directora de xornais máis nova que houbo en España. Foi columnista de La Razón, Tiempo e actualmente de eldiario.es.

Rosa Montero é xornalista e escritora. Desde finais de 1976 traballa de maneira exclusiva para o diario El País. A súa obra foi traducida a máis de vinte idiomas, é Doutora Honoris Causa pola Universidade de Porto Rico e Premio Internacional Columnistas do Mundo 2014.

María Varela é redactora xefa e columnista en Diario de Pontevedra. Recibiu o XIV Premio de Xornalismo Francisco Fernández del Riego 2016 polo texto Cóxegas e tortas, publicado en Diario de Pontevedra o 29 de abril de 2016.

Celia Blanco é xornalista e colabora con El País no blog #LASCOSASDELATANA. Dirixe e presenta o programa 'Contigo dentro' na Cadena SER.

Marta García Aller é xornalista e colabora con Onda Cero, como analista de economía e cronista de actualidade. Recibiu algúns dos premios máis prestixiosos do xornalismo económico.

Anita Botwin é xornalista e guionista de series e programas de televisión. Actualmente escribe sobre diversidade funcional, feminismo e sexualidade.

Lucía Taboada é xornalista e traballa na Cadena Ser. Ademais, escribe na revista masculina GQ e suma máis de 100.000 seguidoras e seguidores en Twitter.

Enma Gascó é ilustradora e deseñadora. Traballou como freelance no ámbito da redacción e a ilustración/deseño gráfico en Diagonal, Público, eldiario.es, Números Rojos, El Ecologista, Pikara Magazine e Otramérica, entre outros.

Fernanda Tabarés é xornalista e directora de Voz Audiovisual. Gañou o premio Mestre Mateo á Mellor Comunicadora de Televisión 2013.